User Tag List

+ الرد على الموضوع
صفحة 2 من 4 الأولىالأولى 1 2 3 4 الأخيرةالأخيرة
عرض النتائج 11 إلى 20 من 36

الموضوع: نحو تطوير كليتنا :: 1/انحدار المستوى التعليمي

Share/Bookmark
  1. #11
    بالطو من بلاطى
    التقييم
    التقييم التقييم التقييم التقييم التقييم التقييم التقييم التقييم التقييم
    الصورة الرمزية beauty
    تاريخ التسجيل
    Nov 2008
    الدولة
    المدينة الفاضلة
    المشاركات
    7,144
    مودي هو
    Amused
    Mentioned
    18 Post(s)
    Tagged
    10 Thread(s)
    نفسى بجد احضر محاضره واقول انا خرجت مستفاده منها جدا ..دا بيحصل قليل اوى
    والسنه دى بالنسبه لى الاستفاده زيرو من المحاضرات حتى لو حضرت ..

    نفسى يدخلوا لنا الدكاتره اللى بنحبهم وبنحب طريقه شرحهم ..دا سلاح انهم ممكن يوقفوا الدروس ..

    اكتر حاجه نفسى تتعدل فى الكليه المناهج الكبيره تقل شويه
    وتتشرح بطريقه كويسه بحيث نفهم لانه فعلاااا فى الكليه لو مفهمتش حاجه وحبيبت افهمها
    كتير يقولوا دى تتحفظ كده يعنى ايه !!!!

    نفسى أحس انه فى ترابط بين المواد ندرس مثلا جهاز معين من وجهه نظر كذا ماده ..فى وقت واحد
    يعنى مثلا الجى اى تى ..
    اخده فسيو وهستو وبيو واناتومى وفارما وباثو يعنى كل حاجه تخصه ..
    كده اعتقد المعلومات هتثبت اكتر ..وهتتكرر ..ومش هنحتاج مجهود كبير اننا نفتكره فى اى ماده ..

    وكمان ياريت الدكاتره طريقتهم تتغير مع الطلبه يعنى فى دكاتره شايفين نفسهم اوى بيعاملونا بطريقه مش اد كده
    وبيظهر دا فى امتحانات الشفوى كل واحد بيبقى متوتر جدا انا بقول هنا البعض مش الكل ..

    انا واحده من الناس بحب الكليه جدا ونفسى تبقى احسن كليه تخيلوا لما دكتور يقولنا ادخلوا على موقع الكليه
    عشان الكليه تعتمد ..!!!
    المفروض كان أولى انه يقولنا خشوا عليه هتلاقوا حاجات مفيده ودروسكوا هتلاقوها ..وبيقولوا جوده ..!!!!

    نفسى جدا كمان قبل ما دكتور يتعين كمعيد فى الكليه ..انه يتدرب كويس ازاى يشرح مش مجرد انه درس
    او فاهم يبقى يشرح ممكن ميكونش عنده ملكه الشرح ودا حال دكاتره كتير فى الكليه ياريت يكون فى كورسات للدكاتره ازاى يشرحوا واحسن الوسائل للوصول لعقل الطلبه ..
    لعل وعسى صوتنا لهم ونخليهم يفكروا معانا عشان المشكله فعلااا كبيره ..
    فى دماغى حاجات كتير اوى واقتراحات لعلها تكون مجديه ..يارب الوضع يتحسن للافضل ..

    اهدنا الصراط المستقيم

  2. #12
    بالطو يجي منه
    التقييم التقييم التقييم

    تاريخ التسجيل
    Oct 2009
    المشاركات
    410
    Mentioned
    0 Post(s)
    Tagged
    0 Thread(s)
    شكرا لكل من شارك ...... وياريت يكون فيه اهتمام أكتر وحلول واقعية نستطيع تقديمها بسرعة للكلية لحل المشكلة .... خصوصا لو القرار تم تطبيقه واقعيا ....... فلا يكون الوقت اي نقضيه في المحاضرات ضائع



    أنا جمعت الأفكار المعروضة وكانت :

    1- اعطاء فرصة أكبر للدكاترة المتميزين في الشرح في دخول المحاضرات
    2- وجود كورسات للدكاترة المدرسين في أساليب الشرح الجيدة والحديثة
    3- تقليل المناهج وتعديلها
    4-وجود ترابط بين المواد
    5- اختيار رؤساء الأقسام يكون بالتعاون مع الطلبة
    6- موقع الكلية يكون أكثر تواصلا وحيوية وافادة
    7- تأخر بعض الدكاترة في الحضور "صراحة هده المشكلة لم أواجهها كثيرا ..... لا أعلم هل قل حدوثها أم أنها أكثر في السنوات الأكبر منا"
    8- التركيز والزيادة من المعلومات ال clinical



    ياريت نشوف تعليقاتكم عليها وكيف يكون التطبيق العملي لها
    وخصوصا من الأكبر مننا وعندهم خبرات ..... ومن لهم معارف في جامعات أجنبية .... نستوحي منهم الأفكار ..... ومن من أصبحوا دكاترة وعرفوا مادا ينقصهم من معرفة وما هو زائد عن الحاجة ؟
    التعديل الأخير تم بواسطة future doctor ; 14th February 2011 الساعة 08:50 PM

  3. #13
    بالطو يجي منه
    التقييم التقييم التقييم

    تاريخ التسجيل
    Oct 2009
    المشاركات
    410
    Mentioned
    0 Post(s)
    Tagged
    0 Thread(s)
    1- اعطاء فرصة أكبر للدكاترة المتميزين في الشرح في دخول المحاضرات
    فعلا هده النقطة مهمة جدا ......... ويجب أن تتخلى الكلية عن عنادها في هدا الأمر ..... لقد تناقشنا في هده النقطة من قبل عالمنتدى والبعض قال ليس معقولا أن أقول لدكتور كبير يقعد في مكتبه وأمنعه من التدريس

    صراحة ورقة استطلاع الرأي في الدكاترة أنا أرى أنها ليست مفيدة ونقاطها لا تعبر عن صلب الموضوع ...... في بعض الأحيان كنت أكتب رأيي أسفل الاستطلاع

    كل قسم يعرف الدكاترة الجيدين في الشرح ...... لمادا يتم اقصاؤهم ؟ ولمادا لا يكون هناك تعاون مع الطلبة في اختيار الدكاتر ة اليي هيخشوا محاضرات

    2- وجود كورسات للدكاترة المدرسين في أساليب الشرح الجيدة والحديثة
    طبعا نقطة أساسية ومهمة ..... واعتقد أنها تطبق في الجامعات المحترمة ....... مواضيع كورسات تنمية النفس والمهارات أساسي خاصة عند استلام وظيفة أو عمل

    لكن نظرا صعب تطبيقها هنا لاسباب كتيرة ومنها الماديات وعدم توفر مثل تلك الكورسات وصعب يطلبوا من دكتور كبير الاشتراك في هكدا كورس ........ فاحنا بنحاول نجمع السلبيات الموجودة ونشوف علاجها يمكن نوصل فكرتنا للدكاترة

    لي عودة ان شاء الله.......... الكي بورد تعبني جداااااا

  4. #14
    بالطو من بلاطي
    التقييم التقييم التقييم التقييم التقييم التقييم التقييم التقييم التقييم
    الصورة الرمزية فداء الحبيب
    تاريخ التسجيل
    Aug 2008
    الدولة
    my own dreams
    المشاركات
    654
    Mentioned
    2 Post(s)
    Tagged
    1 Thread(s)
    موضوع رااائع بجد
    فعلا هو دة دورنا دلوقت ان كل واحد مننا يشوف اية اللى محتاج يتصلح ف الحتة اللى هو فيها
    انا قريت كل المشاركات واقتراحاتكوا ما شاء الله جميلة
    بس عشان نوصل لآقصى استفادة ممكنة من الموضوع
    اولا: ياريت يكون فى تواصل بين حد مننا وحد من وحدة ضمان الجودة او اتحاد الطلبة
    عشان يوصلوا مطالبنا بشكل رسمى للجهات المسؤلة
    ثانيا: عاوزين نفكر ف حلول واقتراحات ع المدى القصير ( احنا هنلمسها يادينا ان شاء الله) وحلول ع المدى البعيد للأجيال اللى بعدينا
    انا هبدأ بكذا اقتراح ممكن يكون بعضهم اتقال قبل كدة
    1: الستاف الحالى للجامعة ياخد كورس ف كيفية توصيل المعلومة لأن فى ناس فعلا عندها معلومات كويسة جدااا بس للأسف مهارة التواصل عندها مش قوية اوووى
    بعد كدة التعين ف الجامعة مش بس ان الشخص يكون من اوائل الدفعة لأ لازم اوائل الدفعة ياخدوا زى كورس كدة برضوا عن توصيل المعلومة ويمتحنوا فية
    واللى يعدى من الامتحان هو اللى يدرس للطلبة اما اللى ميعديش من الامتحان فيكتفى بالبحث العلمى لو كان هيتعين ف مجال اكاديمة وبشغل المستشفى لو كان هيتعين ف مجال اكلينكيى
    بس ملوش دعوة بالطلبة
    لأن الدكتور اللى هيدرس للطلبة كأنة مدرس...مش هما ف كلية تربية بيدرسلوهم طرق التدريس
    !!
    2: حتى بعد اما الدكتور يعدى من الامتحان لازم يستمر ف الاداء بشكل مرضى للطلبة
    ف جاماعت برة لو الطلبة اشتكت من دكتور واتضح فعلا انة مبيشرحش كويس بيمشى من منصبة
    لازم ميكونش الدافع للدكتور انة يشرح كويس هو ضميرة بس لأ
    لو دكتور لا قدر الله معندوش ضمير يبقى الدافع لية انة يشرح كويس انة ببساطة مش هيبقى ف منصبة
    3: احنا ان شاء الله مش هيبقى فى دروس وبالتالى مش عاوزين يبقى فى ورق دروس
    فى كتب مأساوية فعلا لو ادونى عليها فلوس برضوا مش هجيبها
    واضعينن الكتب لازم يراعوا ان الطالب بيكون بيشوف المعلومة ف كتابهم اول مرة ف حياتة
    فلازم تكون المعلومة بسيطة ووواضحة ومفهومة ومكتوبة باسلوب مباشر جداااا بلاش شغل تقديم الخبر ع المبتدأ والاساليب النحوية المكلكعة اللى بعض الكتب بتشلنا بيها
    بتبقى محتاج انك تفك طلاسم الاسلوب عشان تفهم المعلومة ( كتاب الرينال فسيولوجى والاميونتى خير مثال )
    لأسف بعض الكتب بتبقى فاكرة تقريبا ان الطالب عارف المعلومات ومجرد بيراجع ع المعلومة منها!!
    عشان كدة ممكن طلبة كل دفعة يقولوا ع الكتب اللى مساعدتمهش بحيث انها تتغير واللى بعدهم يذاكروا منها
    وانا هبدأ
    كتب الفسيولوجى جميلة فعلا باستثناء شابتر الرينال وال Cvs
    دول محتاجين يتكتبوا من جديد بطريقة اكثر تنظيما وتبسيطا
    كتب الييو:بتتوة الطالب جداا...لية ميخلوش دكتور ايمن يكتب كتب القسم؟؟!! ورقة اثبت نجاح كبيييير
    كتاب الابدومن والبلفس معلوماتهم كتيييييييييير جدااا..محتاجين اعادة تنقيح
    كتاب السيستمك بكتريولوجى: حقيقى مش لاقية كلمة ف اى قاموس توصف بشاعة الكتاب دة
    الحل الوحيد انة يتكتب من اول وجديد بطريقة اكثر تنظيمااااااااااااااااااا
    كتاب البارا بتاع السنة اللى فاتت احسن من بتاع السنة دى!!
    انا مش فاهما هو احنا بتغير الكتب للأسوأ؟؟؟؟!!
    ياريت نرجع الكتاب القديم
    كتاب الاميونتى: محتاج يتكتب بطريقة اكثر وضوحا
    وبشكل عام احنا عازين كتب مليااااااااااااانة صور توضيحة ودياجرمات
    4: اسلوب تقيم الكلية للمعلومة يتماشى مع طريقة عرضهم للمعلومة
    مش معقول يعنى يبقى الدكتور بيشرحلى المعلومة ع انها حقيقة مسلم بيها وتتحفظ زى ما هى من غير ما يربطها بمعلومة تانية او بحالة ع ارض الواقع
    واجى الاقى الامتحان عاوزنى اكون فاهمة المعلومة ورابطاها بأرض الواقع ...لية بفتح المندل انا؟؟
    نوضح اكتر
    طريقة عرض المعلومة: فى حاجة اسمها Problem solving
    دى من سنة اولى ف طب اسماعلية بيدربوهم عليها...بيقسموهم لمجموعات وبيبدأوا يعلموهم الأول طرق التفكير المنهجى السليم بحيث انهم يحلوا المشكلة صح ف اقل وقت
    وبعدين طول سنين الكلية بيحلوا ف CASES
    بنفس خطوات التفكير السليمة دى (حقيقى انا بغبطهم ع الهنا دة ) المهم انا بقى كطب عين شمس
    كان اول مرة المصطلح دة يستخدم ف كليتنا كان ف سكشن البارا ..
    Two Cases in 1 term
    يا بلاش!!
    طريقة تقيم المعلومة بقى
    الامتحانات تبقى Mcq &cases only
    لأن احنا بنختبر قدرة الطالب ع الفهم مش ع الحفظ بالكيلو!!
    ففعلا العلم لايكيل بالبتنجان
    طريقة امتحانات الايسى بتجبرنا كطلبة اننا نستغل تفكرينا ووقنا بطريقة غلط
    مثلا انا ممكن اقعد ساعتين احفظ ف function of stomach
    وهما مثلا سبع وظائف هقعد احفظهم ف ساعتين
    مهو انا هتبقى وقعتى بيضا لو جت ف امتحان الايسى وانا مفتكرتش غير خمسة بس
    فالحل انى اقعد احفظ واحفظ...وبعدين احفظ..واريح شوية وارجع احفظ تانى
    لكن لو طريقة الامتحان ام سى كيو وكيسيس هستخدم نفس الساعتين برضك ف انى افهم كل وظيفة
    واية اللى العيان هيشتكى منة لو اختلت اى وظيفة؟؟
    وهل فى مثلا اى عضو بيعمل وظيفة من الوظائف دى بحيث لو اختلت المعدة العضو التانى هيعوض الوظيفة دى فالعيان مش هيشتكى من حاجة؟؟!!
    كان دكتور احمد خالد توفيق قال مرة
    اننا ف عصر ثقافة التفكير وليس ثقافة المعلومة والكلمة
    لأن المعلومات موجودة ف مصادر متعددة بطريقة سهلة الوصول لكن الثقافة بجد
    انك تعرف ازاى تستخدم المعلومات الكتير دى بطريقة تخدمك صح
    مش عاوزين امتحانات بعد كدة تختبر قدرتنا ع حفظ المعلومات بالكيلو!!
    اكيد مش هيحيلى عيان يقولى سمع يا دكتور السبع وظائف بتوع المعدة
    انا لسة عندى كلااام كتير بس مش عاوزة اطول اكتر من كدة
    للحديث بقية ان شاء الله
    التعديل الأخير تم بواسطة فداء الحبيب ; 14th February 2011 الساعة 10:34 PM
    اثبت مكانك!!

  5. #15
    بالطو من بلاطي
    التقييم التقييم التقييم التقييم التقييم التقييم التقييم التقييم التقييم التقييم التقييم التقييم التقييم التقييم
    الصورة الرمزية ايمان ابراهيم
    تاريخ التسجيل
    Oct 2008
    الدولة
    البحر الكبيييييييييير
    المشاركات
    3,187
    مودي هو
    Fine
    Mentioned
    0 Post(s)
    Tagged
    1 Thread(s)
    نفسى أحس انه فى ترابط بين المواد ندرس مثلا جهاز معين من وجهه نظر كذا ماده ..فى وقت واحد
    يعنى مثلا الجى اى تى ..
    اخده فسيو وهستو وبيو واناتومى وفارما وباثو يعنى كل حاجه تخصه ..
    كده اعتقد المعلومات هتثبت اكتر ..وهتتكرر ..ومش هنحتاج مجهود كبير اننا نفتكره فى اى ماده ..

    الحكاية دى الجودة لغتها لعدم تشتيت الطالب
    وكمان ياريت الدكاتره طريقتهم تتغير مع الطلبه يعنى فى دكاتره شايفين نفسهم اوى بيعاملونا بطريقه مش اد كده
    وبيظهر دا فى امتحانات الشفوى كل واحد بيبقى متوتر جدا انا بقول هنا البعض مش الكل ..
    ياسيدى ع الشفوى

    انا فاكرة انى وانا ف سنة اولى و الواحد لسة صغير كدة و على نياته دخلت ف الشفوى لدكتورة و لسة بنقول يا هادى لقتها بتقولى قوليلى بقة لما بننزل ف اعماق البحار مش عارفة بيحصل ايه لايه
    كانت ساعتها ليلة مية مية يعنى
    ما هى حظوظ بقة منتهى العدل

    فداء الحبيب : كل كلمة قولتيها معاكى جدا فيها و كلنا كدة انتى كتبتى كل اللى كان نفسنا نقوله

    و فعلا عشان نبقى عمليين خلينا نحدد مشكلة مشكلة و نشوف هنتصرف ازاى
    يعنى لما ربنا يسهل و نبدأ الدراسة مش عايزين نكرر مهازل قسم الفارما دى لأن المشكلة لسة موجودة و ف كل المواد ..لازم نتجمع و نعمل حاجة
    و طبعا زى ماانتى قولتى
    ياريت يكون فى تواصل بين حد مننا وحد من وحدة ضمان الجودة او اتحاد الطلبة
    عشان يوصلوا مطالبنا بشكل رسمى للجهات المسؤلة
    "ولا تحسبن الذين قتلوا في سبيل الله أمواتا بل أحياء عند ربهم يرزقون "

    انا لله وانا اليه راجعون

  6. #16
    بالطو يجي منه
    التقييم التقييم التقييم

    تاريخ التسجيل
    Oct 2009
    المشاركات
    410
    Mentioned
    0 Post(s)
    Tagged
    0 Thread(s)
    نعم كلام فداء الحبيب مظبوط ومرتب

  7. #17
    بالطو من بلاطي
    التقييم التقييم التقييم التقييم التقييم التقييم التقييم التقييم التقييم التقييم التقييم التقييم التقييم التقييم
    الصورة الرمزية ايمان ابراهيم
    تاريخ التسجيل
    Oct 2008
    الدولة
    البحر الكبيييييييييير
    المشاركات
    3,187
    مودي هو
    Fine
    Mentioned
    0 Post(s)
    Tagged
    1 Thread(s)
    معلش و الله يا دكتور
    اسفة انى دخلت و بعلق كدة على كلام الناس قبل رد صاحب الموضوع أساسا
    بس الكلام شدنى و نفسى بجد نعمل حاجة منبقاش بنتكلم بس
    "ولا تحسبن الذين قتلوا في سبيل الله أمواتا بل أحياء عند ربهم يرزقون "

    انا لله وانا اليه راجعون

  8. #18
    بالطو من بلاطي
    التقييم
    التقييم التقييم التقييم التقييم التقييم التقييم
    الصورة الرمزية dr.roka
    تاريخ التسجيل
    Aug 2009
    الدولة
    m5lo2 so3'an6o6 fl donia el kebeera :)
    المشاركات
    6,424
    مودي هو
    Cheerful
    Mentioned
    4 Post(s)
    Tagged
    4 Thread(s)
    كل الكلام اللي عايزة اقوله حضرتك ناقشته ف النقط دي كلها
    الحاجه المهمه فعلا واللي حضرتك برضو قولت انها اهم واحده
    هي الدكاترة الكويسين اللي احنا بنحبهم

    احنا عندنا ف سنه تانيه ف اي جروب المدرج بيبقى فاضي وممل والناس بترغي
    ومحدش بيسمع اصلا
    لكن لما بنسمع ان في محاضره د ايمن بيو هيديها الناس بتطلع تحجز مكان والمحاضرة اللي قبلها شغاله
    ومن الدفعه كلها مش بس الجروب اللي هو بيديه
    وكمان في ناس م اللي بياخده معاه درس اصلا بيطلعوا يحضروا المحاضرة
    لانه عارف ازاي يوصل المعلومه وعارف طريقه شرح البيو ده بالذات مختلفه
    متنفعش ب داتا شو وسليدات زي المواد التانيه
    وعشان كده هو الدكتور الوحييييييييد ف الكليه اللي بيكتب بايده ع البورد ف المدرج
    مبيبقاش في مكان للناس عشان تعد ولما الدكتر يجي مبيبقاش في حد بيرغي ولا بيتكلم ويهزر
    كل الناس بتسمع وكمان بتسجل ع الموبايل

    نفس الوضع لو دخلنا د بنحبه ف الاناتومي زي د هاني شوقي مثلا ولا د ماهر عمارة ف الهيستولوجي
    كلنا بنحبهم محدش مختلف عليهم دول لما بنسمع ان في محاضرة هيدوها الحضور والالتزام زالانتصات بيركبنا كلنا


  9. #19
    بالطو من بلاطي
    التقييم
    التقييم التقييم التقييم التقييم التقييم التقييم
    الصورة الرمزية dr.roka
    تاريخ التسجيل
    Aug 2009
    الدولة
    m5lo2 so3'an6o6 fl donia el kebeera :)
    المشاركات
    6,424
    مودي هو
    Cheerful
    Mentioned
    4 Post(s)
    Tagged
    4 Thread(s)
    الرساله دي اتبعتتلي ع الفيس


    من أعضاء هيئة التدريس بالجامعات المصرية مطالبة من أعضاء هيئة التدريس بالجامعات المصرية موجهة إلى المجلس الاعلي للجامعات و من يهمه الأمر السادة المجلس الاعلى للجامعات،

    نحن الموقعون على هذه الوثيقة من أعضاء هيئة التدربس بالجامعات المصرية نطالب السادة المسئولين بما يلى:

    أولا:

    عودة المادة 43 من قانون تنظيم الجامعات رقم 49 لسنة 1972 و الخاصة بحق أعضاء هيئة التدريس فى انتخاب عميدهم و التى تنص على :


    مادة 43
    يختار كل أستاذ من أساتذة الكلية أو المعهد وكل من الأساتذة المساعدين والمدرسين أعضاء مجلس الكلية أو المعهد ثلاثة من أساتذة الكلية أو المعهد لمنصب العميد ويتم الأختيار عن طريق الأقتراع السرى ويعين رئيس الجامعة العميد من بين الأساتذة الثلاثة الحاصلين على أكثر الأصوات وذلك لمدة ثلاث سنوات قابلة للتجديد مرة واحدة.

    ولا يجوز اقالة العميد من العمادة قبل نهاية مدته الا بقرار مسبب من رئيس الجامعة بعد موافقة مجلس الجامعة وذلك اذا أخل بواجباته الجامعية أو بمقتضيات مسئولياته الرئاسية ولا يجوز اعادة ترشيح العميد المقال قبل مضى سنتين من تاريخ صدور قرار الاقالة . واذا لم يوجد بالكلية أو المعهد سوى عشرة أساتذة فيعين العميد من بين أساتذة الكلية أو المعهد بقرارمن رئيس الجامعة وذلك لمدة ثلاث سنوات قابلة للتجديد مرة واحدة . ولايد خل فى الاعتبار عند حساب عدد الأساتذة الا القائمون بالعمل منهم داخل الكلية أو المعهد.

    ثانيا:

    ادخال بعض التعديلات على نص المادة 22 من القانون الحالى والتى تنص على:


    مادة (22)
    يؤلف مجلس الجامعة برئاسة رئيس الجامعة وعضوية :
    أ‌- نواب رئيس الجامعة.
    ب‌- عمداء الكليات والمعاهد التابعة للجامعة.
    ج- أربعة اعضاء على الأكثر من ذوى الخبرة فى شئون التعليم الجامعى والشئون العامة يعينون لمدة سنتين قابلة للتجديد بقرار من رئيس الجامعة بعد أخذ رأى مجلس الجامعة .

    ويحضر أمين الجامعة جلسات المجلس ويشارك فى مناقشاته ويتولى أمانة المجلس.

    حيث نقترح عمل التعديل الاتى:


    مادة (22) مكرر

    يضاف الى مجلس الجامعة وظيفة مدير جامعة
    يتم اختيار رئيس الجامعة بالأقتراع السرى من بين السادة عمداء ووكلاء الكليات والمعاهد التابعة للجامعة لمدة ثلاث سنوات قابلة للتجديد مرة واحدة ويمثل رئيس الجامعة أعلى وظيفة اكاديمية فى الجامعة ويقوم بمتابعة تنفيذ قرارات مجلس الجامعة الاكاديمية .

    يتم تعيين مديرا للجامعة بقرار من الجهة الادارية المختصة من بين الأساتذة العاملين بالجامعة لمدة ثلاث سنوات قابلة للتجديد مرة واحدة ويمثل مدير الجامعة أعلى وظيفة ادارية بالجامعة ويقوم بمتابعة تنفيذ سياسة الجامعة التعليمية والادارية ومتابعة تنفيذ قرارات مجلس الجامعة التى تقع فى دائرة اختصاصاته.

    بذلك تعود الديمقراطية للحياة الجامعية و يحرص رئيس الجامعة المنتخب و العميد المنتخب على الرقى بجامعته و بكليته كل فى مجاله و خدمتهما بدلا من استمالة ذوى السلطة و أصحاب القرار. لا يمكن الامضاء على هذا البيان الا من عضو هيئة تدريس (أستاذ أو أستاذ مساعد أو مدرس)


  10. #20
    بالطو صاعد
    التقييم التقييم التقييم التقييم
    الصورة الرمزية lolitaa
    تاريخ التسجيل
    Aug 2009
    الدولة
    هنا او هناك
    المشاركات
    811
    مودي هو
    Angelic
    Mentioned
    0 Post(s)
    Tagged
    0 Thread(s)
    انا قرأت كل الكومنتتات تقريبا مسبتوش حاجه ... وان شاء الله هيتنفذ يارب


    لأن الدكتور اللى هيدرس للطلبة كأنة مدرس...مش هما ف كلية تربية بيدرسلوهم طرق التدريس
    شايفه النقطه دى مهمه اوى علشان احنا مش محتاجين الخبره بس مش كفايه .. ممكن دكتور خبرته تكون اقل من دكتور اكبر سنا بس بيقدر يوصل المعلومه وكمان محبوب بين الطلبه
    والمشكله دى عامه على الكليات .. تخيلوا فى كليه بدون ذكر اسماء فيها دكتور بيدى ماده وهو عنده الزهايمر!!! طب ازاى ؟؟
    مع احترامى له طبعا

    وبشكل عام احنا عازين كتب مليااااااااااااانة صور توضيحة ودياجرمات
    ياريت خاصه فى بعض المواد زى الفسيو ... اصلا الصور بتوصل المعلومه اسرع من الكلام الكتيييييييير

    الامتحانات تبقى Mcq &cases only
    لأن احنا بنختبر قدرة الطالب ع الفهم مش ع الحفظ بالكيلو
    المشكله دى كلنا تقريبا بنعانى منها .. اتمنى بجد يكون كده لاننا لما نتخرج محدش هيقولنا سمعوا الجزء ده وكله حاجه فيه!!!!!!!!!!


    تقدر تتبرع بفلوسك او بأكلك او بمجهودك او كل ما سبق
    و تساعدنا فى إفطار أسر صائمه

    تقدر توصل الفلوس ل meshmesha او dr.gabal او Gemy او Dalia او leedoz

+ الرد على الموضوع
صفحة 2 من 4 الأولىالأولى 1 2 3 4 الأخيرةالأخيرة

Thread Information

Users Browsing this Thread

في دلوقتي 1 بني ادمين بيتصفحوا الموضوع ده. (0 اعضاء و 1 ضيوف)

     

المواضيع المتشابهه

  1. مشروع تطوير المستشفيات المرحلة التانية...
    By KaRkOr in forum المشاريع و العمل الخيري
    مشاركات: 4
    آخر مشاركة: 17th November 2006, 12:18 AM

Tags for this Thread

تعليمات المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك