User Tag List

+ الرد على الموضوع
صفحة 2 من 7 الأولىالأولى 1 2 3 4 ... الأخيرةالأخيرة
عرض النتائج 11 إلى 20 من 62

الموضوع: شارك فى تغيير نظام تدريس كليتنا

Share/Bookmark
  1. #11
    بالطو من بلاطي
    التقييم التقييم التقييم التقييم التقييم التقييم التقييم التقييم التقييم التقييم التقييم
    الصورة الرمزية Dr/ELNOWIHY
    تاريخ التسجيل
    Oct 2008
    الدولة
    فى بيتنا
    المشاركات
    1,392
    مودي هو
    Crappy
    Mentioned
    0 Post(s)
    Tagged
    0 Thread(s)
    اولا الغاء مادة الهستولوجى لاننا مبنستفيدش منها بحاجة

    ثانيا الاعتماد على امتحانات ال mcq بدلا من essay

    ثالثا البيو ياريت اللى بيتقال فى السكشن يكون لة علاقة بالمحاضرات

    رابعا لا يتم تقييم الاساتذة اللى يدخلوا المحاضرات على اساس الدرجة العلمية فقط

    ولكن يجب ان يمتلك القدرة على الالقاء والشرح ....
    "If u expect the world to be fair with u because u are fair, Its like expecting the lion not to eat u because u don't eat him."

    .................................................. ...................................

    من اجلك اعددت رثائى
    وتركت التاريخ ورائى
    وشطبت شهادة ميلادى
    وقعطت جميع شراينى



  2. #12
    مراقب قسم
    التقييم
    التقييم التقييم التقييم التقييم التقييم التقييم التقييم التقييم
    الصورة الرمزية Morooo
    تاريخ التسجيل
    Mar 2007
    الدولة
    Cairo, Egypt, Egypt
    المشاركات
    11,746
    مودي هو
    Busy
    Mentioned
    0 Post(s)
    Tagged
    0 Thread(s)
    امممم
    الهستولوجي مهم طبعا بس مش هتعرف قيمته غير لو اشتغلت في معامل ..

    مش عجباني اقتراحات الغاء مواد .. حتي ولو كانت نظريه


    اممم
    بصراحه انا مش من هواه الام سي كيو .. ايوة انا مش بالذكاء الكافي حد عنده اعتراض ؟

    في عندي اقتراح غريب جداااااااا بس هيبقي جامد جدا
    ليه منقسمش البرانشات زي ال abdomen وال chest وال cardio الخ ..
    ليه ميبقاش كل سنه ناخد برانش واحد من دول من الالف للياء ؟
    يعني الهستلوجي والفسيولوجي والباثولوجي عن البرانش ده بس .. ونبقي خلصنا برانش كامل بدل مانوصل لسنه خامسه مش فاكرين الاناتومي بتاعهم
    ساعتها لو حد اشتكالك من الكبد هتعرف تتصرف لو كنت اخدتها في سنه اولي

    عارف انه اقتراح غريب وصعب التنفيذ ..

  3. #13
    بالطو من بلاطي
    التقييم التقييم التقييم التقييم التقييم التقييم التقييم التقييم التقييم التقييم التقييم التقييم التقييم
    الصورة الرمزية ahmedelshaf3ey
    تاريخ التسجيل
    Aug 2008
    المشاركات
    3,120
    مودي هو
    Cool
    Mentioned
    0 Post(s)
    Tagged
    1 Thread(s)
    اقتباس المشاركة الأصلية كتبت بواسطة Morooo مشاهدة المشاركة
    امممم
    الهستولوجي مهم طبعا بس مش هتعرف قيمته غير لو اشتغلت في معامل ..

    مش عجباني اقتراحات الغاء مواد .. حتي ولو كانت نظريه


    اممم
    بصراحه انا مش من هواه الام سي كيو .. ايوة انا مش بالذكاء الكافي حد عنده اعتراض ؟

    في عندي اقتراح غريب جداااااااا بس هيبقي جامد جدا
    ليه منقسمش البرانشات زي ال abdomen وال chest وال cardio الخ ..
    ليه ميبقاش كل سنه ناخد برانش واحد من دول من الالف للياء ؟
    يعني الهستلوجي والفسيولوجي والباثولوجي عن البرانش ده بس .. ونبقي خلصنا برانش كامل بدل مانوصل لسنه خامسه مش فاكرين الاناتومي بتاعهم
    ساعتها لو حد اشتكالك من الكبد هتعرف تتصرف لو كنت اخدتها في سنه اولي

    عارف انه اقتراح غريب وصعب التنفيذ ..


    والله يا مورو عندك حق بجد
    انا كنت داخل عايز اتكلم واكتب نفس الحاجات الى انت كتبتها بس انت سبقتنى
    اولا نظام ال m c q وحش اوى
    والدكاتره بيقعدوا يالفوا ويخترعوا ويحوروا وكانهم بيعاقبونا
    وانا عندى ال essay افضل بكتير
    وكمان بيختبر معلومات تفصيليه عن الدكتور
    الى هو المفروض يكون عارف كل حاجه عن الحاله الى ادامه
    واكتر حاجه بتختبر كده امتحانات essay
    كمان بتقلل نسبه الغش محدش هيغش سؤال طويل
    مش ال ام سى كيو الى ممكن اى حد يغشه او يقرا كلمتين ويخش يحل

    ثانيا حلوه اوى فكره ان الواحد يخلص مثلا ال cardiology
    بكل فروعه هستولوجى وباثولوجى واناتومى وكل حاجه ونبقى كده مركزين كل المعلومات
    ويارب ياخدوا بكلامنا ده
    وياريت تبقى كل حاجه محدده

    ومن الحاجات الى مضايقانى ومش عاجبانى خالص
    حكايه ان يبقى غياب الراوند بدرجات
    او الى يغيب يتحرم من امتحان الراوند
    احنا ف كليه مش ف مدرسه
    والى يجى ييجى والى ما يجيش ما يجيش
    وكل واحد عارف مصلحته
    والمهم والفيصل هو امتحان الكلينيكال والامتحان النظرى والشفوى

    واسف ان كنت طولت عليكم
    وشكرا



  4. #14
    مراقب قسم
    التقييم
    التقييم التقييم التقييم التقييم التقييم التقييم التقييم التقييم
    الصورة الرمزية Morooo
    تاريخ التسجيل
    Mar 2007
    الدولة
    Cairo, Egypt, Egypt
    المشاركات
    11,746
    مودي هو
    Busy
    Mentioned
    0 Post(s)
    Tagged
    0 Thread(s)
    في اوروبا والدول المتقدمه .. بياخدوا الشهادات بعدد ساعات الحضور

    عاجباني فكرة غياب المحاضرات .. ولو انها ممله بالنسبالي

  5. #15
    بالطو لسه بكـــيــسو
    التقييم
    الصورة الرمزية dr_nour_alkamar
    تاريخ التسجيل
    Jul 2008
    الدولة
    cairo
    المشاركات
    206
    مودي هو
    Aggressive
    Mentioned
    0 Post(s)
    Tagged
    0 Thread(s)
    بالنسبة لسنه اولى...طبعا المحاضرات صعبه قوي خصوصا في الهستوو والبيو ليه لانها بتدرس بطريقة والمتحان اللي بيقيمك بيكون بطريقة تانية يعني ىالمفروض بعد المحاضرة الطالب يكون عرف الهدف من المحاضة وهو مطلوب منه ايه مش تايه كده ومش عارف يا الدنيا عملت كده له
    - لازم الدكتور يقرب من الطلبة يشرح على السبورة ويرسم مابز ويعلمنا الطريقة المثلى في دراسة مادته وحفظها والاجابة على اسئلتها في الامتحان....خصوصا في اول سنتين عشان معظمنا بيبيقى ضايع ومش فاهم حاجههه
    -المفروض بعد شرح الدرس شرح كامل يرضي ربنا....يحصل الاتي
    الدكتور يكون ادى ملخص مكتوب على السبورة باهم النقط في الدرس و اية الاسئلة اللي ممكن تيجي في الجزء وشويةنصائح عن طرق الحفظ والاستذكار
    - بانسبة لكتب الاقسام ياريت تتغير وتبقى بظبط زي ورق الدروس لانه ابسط واوضح واسهل في الحفظ خصوصا في سنه 1و2
    -ولازم يورونا حالات كلنيكال ويكونوا مشؤلين عن تدريبنا العملي في المستشفيات طول الست سنين
    -اخر حاجة واهم حاجة لازم يدرسوا مقررات دينيه زي القران والفقه والحديث الشريف وعلى راحتهم تكون في المجموع ولا لا لان المسلم عموما والطبيب خصوصا لازم يكون على قدر عالي من التدين والاخلاق
    ده ر أيي بانسبة للتعليم بصفة عاممممممههههه....رديت اهو يانرمين ومتزعليش

    النظام السنه دي لذيذ.....بس مش بنلحق نذاكر معاهم زي كل سنه وحتى لو خلو مش راوندات برضو مش حنلحق فالظاهر كده العيب في المنهج نفسه مش في اي حاجة تانية.................................وعذرا على الاطاله
    التعديل الأخير تم بواسطة dr_nour_alkamar ; 25th April 2009 الساعة 12:49 AM

  6. #16
    بالطو سوبر لوكس
    التقييم التقييم التقييم التقييم التقييم
    الصورة الرمزية فراشة
    تاريخ التسجيل
    Jul 2008
    المشاركات
    269
    مودي هو
    Bashful
    Mentioned
    0 Post(s)
    Tagged
    0 Thread(s)
    اقتباس المشاركة الأصلية كتبت بواسطة morooo مشاهدة المشاركة
    في عندي اقتراح غريب جداااااااا بس هيبقي جامد جدا
    ليه منقسمش البرانشات زي ال abdomen وال chest وال cardio الخ ..
    ليه ميبقاش كل سنه ناخد برانش واحد من دول من الالف للياء ؟
    يعني الهستلوجي والفسيولوجي والباثولوجي عن البرانش ده بس .. ونبقي خلصنا برانش كامل بدل مانوصل لسنه خامسه مش فاكرين الاناتومي بتاعهم
    ساعتها لو حد اشتكالك من الكبد هتعرف تتصرف لو كنت اخدتها في سنه اولي

    عارف انه اقتراح غريب وصعب التنفيذ ..

    كلامك دة ممتاز وعلى فكرة دة مش غريب فيه فعلا نظم تعليم بالشكل دة
    nour

  7. #17
    بالطو سوبر لوكس
    التقييم التقييم التقييم التقييم التقييم التقييم
    الصورة الرمزية A_T_b
    تاريخ التسجيل
    Feb 2007
    المشاركات
    733
    مودي هو
    Bored
    Mentioned
    0 Post(s)
    Tagged
    0 Thread(s)
    اقتباس المشاركة الأصلية كتبت بواسطة dr/elnowihy مشاهدة المشاركة
    اولا الغاء مادة الهستولوجى لاننا مبنستفيدش منها بحاجة

    ثانيا الاعتماد على امتحانات ال mcq بدلا من essay

    ثالثا البيو ياريت اللى بيتقال فى السكشن يكون لة علاقة بالمحاضرات

    رابعا لا يتم تقييم الاساتذة اللى يدخلوا المحاضرات على اساس الدرجة العلمية فقط

    ولكن يجب ان يمتلك القدرة على الالقاء والشرح ....
    الراجل ده بيقول كلام زي الفل بناء على خبرة اولى وثانية وثالثة ورابعه ههههههه

    واساسا الهستولوجي مش مادة دي تبع التشريح او الاناتومي وده الطبيعي ممكن يبقى ليها محاضرات مستقلة وامتحان مستقل بس في الاخر تبقى جزء من الاناتومي زي جميع بلاد الارض يا جدعان


    اقول بقى رايي في التدريس ومحدش يزعل ويارب الكلام يوصل

    لو اتكلمت عن اولى وثانية هقول ان اكثر من نص الدكاترة اللي بيدخلوا يشرحوا ملهمش في الشرح والافضل لو كانوا مفضحوش نفسهم ودخلوا محاضرات ناس معقدة ومش عايز اقول اسامي محدش يضغط عليا يييييييه هقول خلاص زي مثلا دكتور هاني سحلوب قصدي ايوب ودكتورة اسمها فاطمة في الفسيولوجي الناس دي اساسا مش عارفه تتكلم ازاي تشرح ودكتور محمد رفعت لما مسك قسم الفسيولوجي الناس اللي زي كده على قد ما قدر ركنهم على الرف وحطهم في البرطمان بتاعهم وعلشان كده الراجل ده لما ساب رئاسة القسم اختفى طبعا كلنا عارفين الحب المصري بيعمل ايه ههههههه
    طيب ايه حل الموضوع ده في رايي علشان ميتقالش عيال وبيقولوا اي كلام ... ؟ الدكاترة تمسك مجموعات وتبقى مسؤلة عنهم في شرح جزئية معينه يختارها الدكتور مش تتفرض عليه والطلبة في اخر الجزء يملوا استمارة يقولوا استفادوا ولا لا مثلا د بقلظ هيشرح شابتر او باب معين همم مثلا الابر ليمب في الاناتومي بدل ما واحد ياخد مجموعة من 20 طالب ويعذبهم بشرحه الوحش ويضيع عليهم الجزء ده لا هوه هيشرح مثلا عضلات الفور ارم بس ويفلسع والطلبة بعد ما يفلسع يجيلهم ورقة تقييم من وكيل الكلية د طاهر فريد حفظه الله وهوه يبعت النتايج ل رئيس القسم في صورة توصيات يعني الدكتور بقلظ وحش في الجزء ده ياريت يا اما يذاكره تاني يا اما يختار جزء تاني ورئيس القسم اللي ميسمعش التوصيات يحرم قسمه من الحوافز المادية وكده علشان يبقى فيه تنافس وتوفير فلوس بدام الدكتور اللي بيشرح الطالب ميلزموش ميقبضش فلوس عليه بقى علشان هتبقى حرام
    المشكلة التانية في رايي هيه ان الكلية عبارة عن جراج عربيات عربيات موظفين وعربيات حرس الكلية اللي احنا مش عايزينة وعايزين مكانه سيكيورتي علشان احنا مش مجرمين علشان تجيبولنا البوليس كده عيب وعلى فكرة انا مش اخوانجي ولا معاهم ولا مع حكاية اللعب بالدين لتحقيق المصالح الشخصية والحوارات دي علشان عارف الشطان هيلعب في قفا ناس كتير ...
    حل المشكلة ؟ موقف السيارات عند جامع النور يتاجر من الحكومة ويتبنى ادوار على حساب الحكومة والموظفين يركنوا ببلاش نص اليوم والنص التاني باجر رمزي والطلبة برضه ويبقى فيه اشتراكات لكن ان الكلية تبقى ماشي فيها بالوارب عيب ومينفعش وبدل ما يبقى فيه جناين يبقى فيه عربيات تقرفنا وتزمرلنا عيييييييييب يا جماعة والله

    المشكلة الثالثة نظام الحضور والامضاءات في السكاشن والمحاضرات ده يتلغي لان ببساطة عبيط ممكن نعمل لكل واحد عدد ساعات حضور معينة للسنة كلها يحضرها زي ما هوه عايز ويكون الحضور بنظام الكارت الرقمي كل واحد يروح يحط كارته في المكنة والمكنة تكتب عندها حضر امتى او تسهيلا علشان انا عارف ان الميزانية دايما لا تسمح بالحاجات الصح يبقى فيه موظف ياخد كارنية الطالب ويكتب الكلام ده وهوه يحسب حضر كام ساعة في السنةكلها بقى بدام مش عايزين تعملوا نظام شبكة جوه الكلية زي ما احنا نقدر نعملها للكلية ببلاش واعتقد حججاج وناس كتير منهم انا مستعدين نعمل الشبكة للكلية بالمجان وكنا كمان هنجيب شركة لينوكس تعملها مجانا بس دكتور طاهر فريد حفظه الله لم يبدي الموافقة

    المشكلة الرابعة شؤن الطلبة تعاملها مع الطلبة على اساس انهم شحاتين او زبالة من ساعة ما دكتور طاهر برضه حفظه الله اصدر توصياته بالطرقعه للطلبة وانا اسف اني اقول ان ده عيب ياجماعة ياريت التعامل يبقى ادمي وياريت لو موضوع الشبكة الداخلية للكلية يتعمل والموظف اللي مش هيتعلم الكمبيوتر يتنقل بره الكلية مهو مش ممكن هنفضل في سلة القمامة علطول لازم نرتقي ولا ايه؟

    المشكلة الخامسة المنهج الغلط ؟؟؟ دايما والدكاترة بتشرح بيقولوا الحتة دي غلط بس موجوده كده في الكتاب واحفظوها على علتها !! بالذمة ده كلام ؟؟؟ وتروح لرئيس القسم يقولك انا بحاول اشيلها بس مش عارف تقوله ليه هيه ثقيلة قوي كده يقولك اصل لازم خمسين بني ادم يوافقوا وهتحصل شوشرة ممكن يتشال فيها من الكرسي وحاجات كده اعتقد برضه ان ده عيييييييييييييييييييييييييييييييب جدا اننا ندرس كلام ثبت انه غلط او قديم وطلع كلام جديد وصح او معلومة مكتوبة غلط ونحفظها على غلطها كده حمورية انا اسف في الكلمة بس ازاي نرضى على نفسنا نبقى كده مش كده ولا ايه ؟

    المشكلة السادسة نظام الامتحان التحريري الفاشل لازم يتلغي لان الانسان اصله مش هارد ديسك وبعدين عمر الدكتور ما هيبقى مكنةتسميع فاشلة تقف قدام العيان تقوله معلومات سخيفة ميفهماش نظام الام سي كيو هوه الصح ومش عيب لو علمنا الدكاترة عندنا ازاي يعملوا كده باننا نتواصل مع جامعات بره وياخدوا دورات هناك يتعلموا مش عيب ابدا بدل ما بعض الناس بتحط اسئلة غلط ويتظلم فيها الطلبة علشان هوه الانجليزي بتاعه وحش او نقل سؤال من كتاب واجابته غلط
    وبالنسبة للطلبة ياريت لو يبقى الزامي ان الطلبة من اولى يكون ليهم اسبوع تدريب في المستشفيات يتعلموا اي حاجة اسعافات اولية او ياخدوا عينة دم او يركبوا كانيولا اي حاجة بس يحسوا انهم دكاترة من اولى ويفضل دايما الاسبوع او الاسبوعين دول مستمرين لحد التخرج ويكون ليهم حضور ميقلش عن 90 في الميه كده استفدنا مرتين مرة ان الطلبة خدوا على جو المستشفيات وبدأوا يتعاملوا مع المرضى من الاول واللي حاسس ان الطب مش مكانه هيمشي من اول شهر والاستفادة الثانية اننا رحمنا بتوع الامتياز من التهريج وانهم وايت كوتد اورجانزمز ميفهموش اي حاجة وخلينا الطلبة تبقى موجودة تتعلم وتساعد وتحسن الخدمة العلاجية في المستشفيات بدون تكلفة مادية صح ولا ايه ؟

    المشكلة الاخيرة انا عارف ان دكتور طاهر فريد حفظه الله عمل نظام الارقام الحلو ان الطالب اللي يسقط ياخد رقم غريب قوي او اللي يحول من كلية تانية برضه يعني يبقى اسمك احمد ورقمك 1777 طب ازااااااااي كل دول اسمهم احمد !! لا يا سيدي انت محول او ساقط بالذمة ده كلام ده احنا كده بنعلم عليه هههههه زي ما بيقولوا وانا عارف انه عمل كده علشان موظفين شؤن الطلبة كانوا بيغلطوا في النتايج وفضايح كتير بسبب الورق الكتير والحر والقرف واللخمة بس دلوقتي لو عملنا شبكة داخلية كمبيوترية هيبقى ببساطة الكلام ده على الكمبيوتر ومش مهم العدد كام ومين وقع ومين ليه فرصة دخول ومين ملوش والكلام ده ببساطة انا عارف ان الاقتراح ده لايمكن يتنفذ بس الامانة تحتم اني اقوله
    شكرا

    هوه كان فيه اقتراح مش مشكلة بالنسبة للتبادل الطلابي والنصب اللي بيحصل فيها ممكن يبقى التبادل الطلابي على اساس المواد يعني انت تدخل تمتحن امتحان جامعة بخ النخ في السنة بتاعتك وهما نفس الكلام واللي يجيب اعلى تقدير يروح من عندنا ومن عندهم وكده يبقى الموضوع محترم اكتر

    وبالنسبة للجنينة اللي عند المترو اللى بيركن فيها اتوبيس رخم يقفل الطريق ممكن تضاف للكلية وتبقى للطلبة وجزء تاني للمرضى مستقل وبكرر ياريت لو يتمنع دخول اي سيارة او اتوبيس ويادوب عربيات الاسعاف علشان منبقاش الـــــــجــــــــــــــراج

    شكرا ومعلش لو حد زعل من كلامي ربنا يجعل كلامنا خفيف عليهم
    ويجعله عامر





    انا البحر في احشائه الدر كامن ..... يااا علـــــــــــــــــي

  8. #18
    مراقب قسم
    التقييم التقييم التقييم التقييم التقييم التقييم التقييم التقييم التقييم التقييم التقييم التقييم التقييم التقييم التقييم
    الصورة الرمزية ندى يحيى
    تاريخ التسجيل
    Feb 2008
    الدولة
    مـصــر
    المشاركات
    4,906
    مودي هو
    Fine
    Mentioned
    0 Post(s)
    Tagged
    0 Thread(s)
    هأتكلم عن سنتى الدراسية : سنة رابعة


    السلبيات:

    - أعتقد أسوأ مشكلة فى السنة دى هى مناهجها .. أغلب الدكاترة فى الراوندات بيشرحوا كويس .. و النسبة الأكبر من الدكاترة فى المحاضرات بيشرحوا كويس -ماعدا الرمد- .. لكن اللى بيخلى كل المجهود ده يروح هباءاً إن الكتاب اللى ماسكاه فى إيدى يبقى مستواه أقل من شرح الدكاترة ..
    فى مادتين من الأربعة على الأقل : ENT و الرمد عايزين منهج clinical فقط ..
    مع إحالة الجزء الخاص بالأناتومى و الفسيولوجى لكتب سنة أولى و تانية .. اللى كانت بتشرح الأناتومى و الفسيولوجى بشكل أفضل بمراحل من اللى ممكن يتشرح من دكاترة متخصصين أنف و أذن أو رمد ..
    مناهج clinical فقط فى الأنف و الأذن و الرمد


    - الجزء السلبى التانى : تحديد جدوى
    المثال الأبرز هو محاضرات الرمد .. محاضرات ظريفة من الساعة 8 صباحاً إلى الساعة 9 -9:30
    فى عدد كبير من المحاضرات الدكاترة بييجوا متأخرين .. بيشرحوا كم هائل من المعلومات فى وقت قصير جداً جداً
    "لما وجهنا الشكوى دى للدكاترة جاء الرد: إحنا بنشرح الحاجات المهمة بس اللى مش هتعرفوا تفهموها لوحدكم"
    بنفهمها أكتر من دكاترة الراوند .. اللى بيقعدوا معانا وقت أطول - بيسمحوا بالأسئلة و الـ interaction بشكل أكبر ..
    محاضرات الرمد تضييع لوقت الدكاترة و الطلبة بدون فائدة ترجى



    - الشكوى المعتادة - و المتعلقة برضه بالمناهج - إن عندنا كم مط مرعب فى مواد كتير ..
    إذا كنت بأوضح المشكلة فأنا مش بأقدم الحل للأسف لإن معنديش خبرة بكيفية وضع منهج "مش ممطوط"
    المثال الصارخ : مناهج الأناتومى و الفسيولوجى و البيو و الهستو اللى بناخدها على سنتين .. بياخدوها طلبة كلية صيدلة مكثفة - و فيها المعلومات المهمة - على ترم واحد ..
    أنا شفت كتاب الهستولوجى بتاع سنة أولى صيدلة القاهرة .. نسخة طبق الأصل من كتاب دكتور ماهر عمارة .. مع إزالة الشوائب و إضافة معلومات قليلة جداً فى النص تعالج مناطق الضعف ..
    محتاجين إعادة تقييم للمناهج .. مناهج "بدون مط"



    - مشكلة عانى منها جزء من طلبة سنة رابعة السنة دى : نتيجة إمتحان الراوند مختلفة عن اللى كتبوه فى الامتحان .. طلبة أخدت أكتر من حقها و طلبة أخدت أقل من حقها ..
    لازم يبقى فى اهتمام كافى بإمتحان الراوند - وضعه و تصحيحه - أو يتم إلغائه إذا لم يكن بتلك الأهمية

    - وضع الإمتحانات ..
    أنا هأقول الأمثلة مباشرةً:
    راوند الكوميونيتى : كتاب mcq القسم فيه أخطاء فى الصياغة و فى المادة العلمية و فى الإجابات بدون تنبيه من دكاترة القسم ..
    راوند الأنف و الأذن : فى امتحانين ورا بعض - و يمكن أكتر- تدخل أسئلة فى الامتحان يختلف عليها الدكاترة



    - العيب الأخير : التطبيق العملى .. فى بعض وحدات الرمد بيبقى الشرح مباشرة على مرضى .. و العكس فى وحدات تانية بيبقى الشرح فيها نظرى
    لو أمكن يبقى فى يوم فى الأسبوع فى كل راوند الطلبة ينزلوا العيادة مع الدكتور المسئول عنهم يشوفوا حالات جديدة أو يدخلوا لحالات محجوزة و ياريت لو متعلقة باللى إتشرح خلال الأسبوع


    إيجابيات :

    - جداول الراوندات و المحاضرات .. محدد فيها الجزء المشروح و معاه الدكتور اللى هيشرحه ... خطوة أكثر من رائعة

    - النظام الجديد : التركيز على مادة واحدة خلال شهرين الراوند .. نظام ممتاز
    ميزته الأساسية كانت إنه قلل من التطويل المتوقع من محاضرات الكوميونيتى و الفورينسك .. المحاضرة مضغوطة صحيح لكن كل كلمة فيها ليها معنى ..
    و إن كانت الميزة دى للأسف بيقابلها نفس عيب : مفيش كتاب بنفس مستوى الشرح الجيد

    - و دى ميزة فى category لوحدها :
    راوند الفورينسك .. الـ P.O.S تحديداً
    الوقت ده كان أكتر وقت استمتعت بيه من ساعة ما دخلت الكلية .. بمعنى :
    وقت للـ creative thinking و الـ interaction الفعلى .. و تنمية لمهارات الـ presentation مع زمايلى .. و البحث على الإنترنت فى موضوع أنا اللى إخترته .. موضوع لا يتعلق بالمنهج بس بأدور عليه for my own personal pleasure

    و نقطة لتوضيح إعجابى بالميزة السابقة : أنا مش حريتة و مش مرتبة و مش من الأوائل .. الفكرة ممتازة جداً still

    و النقطة التانية : إن مش كل الراوندات كان عندها الفرصة لتطبيق ما سبق .. و لا حتى كل المجموعات اللى فى الراوند بتاعى .. هيبقى شئ ظريف لو إتطبق بجدية على كل المجموعات و فى السنوات الجاية كمان ..




    لو فكرت فى حاجة تانية قبل ما المهلة تخلص .. I'll get back to you
    التعديل الأخير تم بواسطة ندى يحيى ; 25th April 2009 الساعة 07:11 AM
    حقائق الحياة التي نعيش, هي أوهام

    نجح أصحابها في فرضها بالقوة, أو بالإقناع أو بالإيحاء!!


    ناردين سابقاً

  9. #19
    بالطو من بلاطي
    التقييم التقييم التقييم التقييم التقييم التقييم التقييم التقييم التقييم التقييم التقييم التقييم التقييم التقييم التقييم
    الصورة الرمزية Dr.Mohannad.M
    تاريخ التسجيل
    Jan 2009
    الدولة
    NubIa cIty
    المشاركات
    2,491
    مودي هو
    Sad
    Mentioned
    0 Post(s)
    Tagged
    0 Thread(s)
    في عندي اقتراح غريب جداااااااا بس هيبقي جامد جدا
    ليه منقسمش البرانشات زي ال abdomen وال chest وال cardio الخ ..
    ليه ميبقاش كل سنه ناخد برانش واحد من دول من الالف للياء ؟
    يعني الهستلوجي والفسيولوجي والباثولوجي عن البرانش ده بس .. ونبقي خلصنا برانش كامل بدل مانوصل لسنه خامسه مش فاكرين الاناتومي بتاعهم
    ساعتها لو حد اشتكالك من الكبد هتعرف تتصرف لو كنت اخدتها في سنه اولي
    في اوروبا والدول المتقدمه .. بياخدوا الشهادات بعدد ساعات الحضور

    عاجباني فكرة غياب المحاضرات .. ولو انها ممله بالنسبالي
    احنا شغالين بالنظام الانجليزي العتيق..كان ينفع زمان أيام ما كان كل شيء عام..دلوقتي العالم كله بيركز على فكرة التخصص..
    ودا فعلا في النظام الأمريكي..
    يعني الواحد بياخد برانش زي الـ heart مثلا وله عدد ساعات دراسة معينة وبتاخده وحدة واحدة من فسيوليجيه لحد هستوليجيه..
    أنا مع الفكرة دي قلبا وقالبا..

    حاجة كمان بالنسبة لسنة أولى وتانية..
    ليه مايبقاش عندي حرية اختيار المواد اللي أنا عايز أدرسها في السنة بتاعتي..
    افرض أنا عايز آخد الفسيولوجي كامل ومعاه الهستولوجي كامل في سنة واحدة..
    والمادتين الفاضلين في السنة الجاية..
    فكرة مش كدا ؟!

    البيو كميستري مادة العملي بتاعها مهم ومتنفضله بشكل غريب جدا..هو أنا لازم اتمرمط في السنين اللي قدام عشان افتكر اللي اخدته في أولى..المفروض يهتموا بيه شوية..وليه ماننزلش معامل تحليل..ليه مانروحش معامل كلية صيدلة..ليه؟!

    الفسيولوجي بصراحة كويس السنة دي..بس قعدوا يجربوا فينا الدكاترة على كيفهم..دا ماينفعش..أنا عايز أحضر للدكتور فلان..والدكتور فلان بيدي جروب تاني يتعارض مع سكاشني..أتشحور أنا بقى؟!
    عايزين حرية في اختيار الدكاترة..زي ما عملوا مع سنة رابعة كدا..ولو الدكتور مش كويس يبقى على الدفعة كلها..

    أخيرا..مواعيد السكاشن مع المحاضرات..يعني الجدول من الآخر عايز تظبيط..ودي نقطة اتكلّموا عليها..بس فعلا مهمة لأن يومي بيتّاكل ومش على كيفي كمان!!
    لو عايزين يضيّعوا يومي يقولولي أنا هاعرف أضيعه لوحدي..الحكاية مش ناقصة..

    وشكرا..
    التعديل الأخير تم بواسطة Dr.Mohannad.M ; 25th April 2009 الساعة 10:42 AM


    21.3.2010 - 19.12.1992

    ؟؟؟؟ - 25.4.1989

  10. #20
    بالطو لسه بكـــيــسو
    التقييم
    الصورة الرمزية elawam
    تاريخ التسجيل
    Oct 2008
    المشاركات
    402
    مودي هو
    Cheerful
    Mentioned
    0 Post(s)
    Tagged
    0 Thread(s)
    اقتباس المشاركة الأصلية كتبت بواسطة shofolofo مشاهدة المشاركة
    ملاحظ ان النشاط الطلابي بقى اوسع بكثير و اكثر حرية - ن قبل كده - .. اتمنى السنة الجاية ميتمش شطب حد من الانتخابات ..
    قول يا رب وان شاء الله ده اللى هيحصل لو كل المرشحين مناسبين

+ الرد على الموضوع
صفحة 2 من 7 الأولىالأولى 1 2 3 4 ... الأخيرةالأخيرة

Thread Information

Users Browsing this Thread

في دلوقتي 1 بني ادمين بيتصفحوا الموضوع ده. (0 اعضاء و 1 ضيوف)

     

Tags for this Thread

تعليمات المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك